【香港魔術師表演價錢全攻略 2023】
Updated: May 6
【香港魔術師表演價錢全攻略 2023】
唔經唔覺Haze 哥哥已經喺呢行表演咗12年，從小型魔術表演到舞台及商演都可以話經驗非常豐富。要喺唔同場合嘅氣氛推至最高，或者通過表演令在場的觀眾都對品牌有更深印象，呢方面我哋Haze Illusion 至今依然保持初心要成為表演藝術及娛樂達人。就等我哋就用呢篇文章分享一下呢12年黎嘅經驗同埋行情比大家喇，如果覺得我哋分享嘅資訊有用，可以分享比多啲人知道啊 !
攻略一：選擇適合的表演者小貼士
今時今日打開個電腦，喺瀏覽器一搜尋已經有五花八門嘅魔術表演者資訊可以搵到，更莫講話一啲專門配對各行各業專家，解決服務需求，同時又能提供娛樂店鋪資訊的平台例如：HELLO TOBY 之類，都具有相當齊全的表演者資訊可以提供（好榮幸我哋都長居HELLO TOBY 榜首）。
咁究竟點樣先知邊個係可以令你最放心，最好合作，唔洗有煩惱，仲要應付到各種突如其來情況，幫到你完成你心目中，上至公司春茗表演，公司Ａnnual Dinner ，大型機構宴會表演，下至小朋友生日會都有足夠能力應付到嘅表演者呢？
貼士１：「了解自己需求，唔洗怕醜發問」 好多客人好可能都係第一次搵表演者，有時可能比較怕醜唔敢同表演者聯絡，或者可能怕問多咗唔用佢唔好意思！不過Haze 哥哥喺到同你講句：
「真係唔使怕醜㗎！」
要俾表演者了解多啲資訊，例如：表演目的係咩？（小朋友生日？公司聖誕聯歡會助慶？）參加人數？場地大小等等。。。？一個表演者愈早知道愈多資訊，不但對表演能有更充分準備，而且能夠更早提供到更精準嘅報價。
貼士２：「唔好心大心細」
有時客人可能會聽到表演者介紹之後，覺得加配其他服務好似比較划算咁。不過Haze哥哥呢度比個建議你：
「好好回想當初搵表演者嘅目的係咩？」
如果唔係會令成個表演變得好奇怪。相信大家都唔會想喺過年嘅時候，見到財神係到扭完波波又變魔術再玩幻彩泡泡秀吧。。。？
貼士３：「表演者有咩參考資料」
基本上，每一個表演對表演者嚟講都係累積緊自己嘅成績單。表演者有無做過啲咩大型表演，同咩公司／機構合作過。呢啲資訊都係可以反映表演者嘅能力。表演大家都係咁做，但點解有啲公司收得貴啲（做得好啲？），有啲又可以收得平啲呢？（會唔會唔係太夠經驗？）當然，不乏要去參考一下有無用戶嘅珍貴留言分享都係一個可以參考嘅資訊啦。
攻略二：魔術表演具體費用
嚟到最重要嘅部分喇！到底市場上唔同嘅魔術表演有咩分別同價錢又可以差幾遠呢？我哋下面有個圖表可以比大家參考一下，同時都會解說一下分別在於那些部份。
舞台表演
一般的舞台表演項目市價 $1,500 / 15-20mins 都會有，不過呢個收費會係比較基本，基本上都係無咩要求而定嘅價錢，一般為新手表演者嘅定價，比較有經驗嘅表演者都大概從 $2,000 / 15-20mins 開始（當然價錢會因應場地／節日或表演限制有所浮動），視乎預算，費用相差不大，但如果想放心，由其小朋友嘅表演都會比較建議搵比較資深嘅表演者，因為控制場面都很考驗表演者臨場經驗嘅多寡。
公司／機構客製化魔術
如有需要公司／機構為加強突顯品牌而客制化的魔術表演，例如：變出公司logo之類，收費大概會從 $5,000 開始，視乎需要，如果係對客戶一年一次嘅活動，一般都會建議強調公司品牌作為加深企業喺呢次活動嘅成效，亦有機會於大型晚宴中，喺VIP桌前做近境表演加深印象（如有特別需求，一律再另行議價）。
大型幻象魔術表演
漂浮／換人箱／刀鋸美人呢類型都算係大形幻象魔術表演，一般收費都由５位數字開始，而且場地大小都會係一個需求較大嘅考量，當然都視乎表演者能否完成，需要洽談。
攻略三：如何最方便搵到最合你心水的魔術表演者
方法其實真係好簡單，除咗之前講嘅平台可以提供資料之外，宜家只需要點擊最底部嘅contact us ! 記得 貼士1:「了解自己需求，唔洗怕醜發問」，我哋宜家可以直接Whatsapp對話，睇下有咩可以幫到手啦！
HAZE ILLUSION 從2014年開業至今，我哋已經服務超過 200 +不同的幼稚園、中小學、商業表演、政府機構、社福機構、教會及特殊教育需要。而且我哋亦主持過唔同的電視節目，下面仲有我地過往合作過嘅參考資料都可以睇吓㗎！
