一文了解 STEAM教育
「STEAM教育」(Science, Technology, Engineering, Art, and Mathematics) 係結合科學、科技、工程、藝術以及數學嘅跨學系教學方式。透過相關嘅課程，將五大領域嘅知識融合起黎，互補唔同學科之間嘅距離，等學生喺唔同嘅環境同專案活動之中，以多角度嘅知識嚟解決問題。
喺跨學科領域嘅教學框架之下，學生可以喺唔同議題下，唔會被單一學科嘅知識局限思想，可以從唔同嘅觀點切入思考，喺多元發展下培養出更宏觀嘅思維同跨領域嘅溝通能力。
STEAM 同 STEM 嘅分別?
1996年由美國國家科學基金會（NSF）喺《型塑未嚟世界》報告裡提出嘅「STEM」（Science科學、Technology技術、Engineering工程、Math數學），係一套強調以學習者為中心嘅教育方式，積極培育學生嘅獨立思考及創造能力。
而A = Art, 紐約嘅羅德島設計學院前院長前田約翰（John Maeda）表示「如果單靠STEM科目，不足以滿足二十一世紀那驚世創新嘅需求。」因此，STEM中加入了藝術元素，令STEM教育變得更加全面。
STEAM教育隨住時間推移已經變得愈嚟愈普及，愈嚟愈多學校都紛紛引入STEAM教育系統到唔同嘅課程，到底STEAM教育有咩特式，又有咩優點呢？
STEAM 教育五大優點，你一定要知！
1.培養批判性思維
2.培養創意能力
3.提升溝通技巧
4.鼓勵積極學習
5.為未來做好準備
6.從小接觸 STEAM 職業
1. 培養批判性思維
STEAM 教育嘅核心目標之一係培養小朋友擁有批判性思想（critical thinking）。有別於傳統嘅填鴨式教學，小朋友需要主動咁圍繞唔同嘅 STEAM主題學習同研究。需要佢哋靈活咁運用已有嘅知識解決各種問題。小朋友邏輯思考能力得到提醒，為他們未嚟踏入職場做好準備。
2. 培養創意能力
創意能力喺 STEAM 教育另一個重要環節。就好似我哋世界上擁有有限嘅資源及無限嘅問題一樣。STEAM 教育挑戰小朋友運用有限嘅資源嚟解決問題，促使佢哋「跳出框架外嘅思維」（think out of the box）。
3. 提升溝通技巧
一個人嘅溝通能力，喺 STEAM 教育喺日常生活中都非常重要。 STEAM 教育經常帶領小朋友互相討論唔同話題，訓練小朋友嘅溝通技巧之餘，又能鼓勵小朋友積極傾聽，對其他人嘅諗法保持開放嘅態度。終身受用嘅關鍵技能由小朋友開始做起。
4. 鼓勵積極學習
STEAM 可以非常有趣！ STEAM 知識喺現實世界廣泛應用 – 小朋友會透過多元化嘅實驗同專題研習動手學習。「邊做邊學」嘅學習模式鼓勵小朋友積極主動咁尋求知識，塑造佢哋成為充滿好奇心嘅終身學習者。
5. 為未來做好準備
STEAM 係未來嘅學科。小朋友透過 STEAM 教育學識研究和探究技巧，一項喺資信科技時代嘅寶貴技能。小朋友批判性思維從小得到培訓，使佢哋能夠發展成科學思維駕馭生活。
6. 從小接觸 STEAM 職業
除咗對佢哋成長有好處，STEAM 教育仲可以向小朋友介紹一系列有趣嘅 STEAM 職業。小朋友長大後將處於一個充滿變化和波動嘅科技世界之中。
STEAM 教育令佢哋從小接觸多種 STEAM 職業，長大後喺對 STEAM 擁有龐大需求嘅社會作出貢獻，創造無限可能性。
根據一份 2018 年嘅研究，全球對 STEAM 職業的需求分佈如下：
電腦學 - 71%
傳統工程 - 16%
物理科學 - 7%
生命科學 - 4%
數學 - 2%
我哋日常生活中都被電腦程式包圍住，背後自然需要大量電腦學家編寫程式，開發軟件。所有 STEAM 工作都一樣重要 – 他們同樣創造提高生活質量嘅創新技術。 無論係編寫電話程式，研發電動車、解決氣候變化、抑或預防流行病毒，STEAM 喺生活各方面都發揮著至關重要嘅作用。
資料來源: LIYSF, twinscience
學校 STEAM 教育
有別於傳統教學，STEAM 教育係以「邊做邊學」為重，教授學生喺日常生活之中應用到課堂學到嘅知識，培養佢哋以科學思維論事。因此小朋友年紀輕輕就可以接觸 STEAM 教育！
幼稚園
幼稚園嘅 STEAM 教育係令小朋友對世界產生好奇。小朋友可以透過簡單嘅動手實驗接觸 STEAM，令他們知道 STEAM 係佢咃可以自己動手做嘅事情。佢哋所學習嘅 STEAM 概念唔需要過於複雜，但仍然可以被合理咁解釋。
小學
小學嘅 STEAM 教育係入門級 – 唔需要太複雜，但足夠為學生未來學 STEAM 打好根基，並令佢哋感興趣（例如：簡單介紹編碼，透過簡單實驗教授科學方法等）。 STEAM 教育可以鼓勵小朋友喺日常生活中利用科學思維有邏輯咁處事，並將課堂學到嘅知識融會貫通咁應用到生活之中。 此外，STEAM 教育仲可以令學生接觸到 STEAM 領域同工作，讓佢咃了解 STEAM 可以點樣影響世界。
中學
中學嘅 STEAM 教育會變得具挑戰性同深度。 中學生能夠處理更抽象嘅概念，同時又可以喺更廣汎嘅層面應用佢哋嘅知識。 呢個階段嘅STEAM 教育應該要鞏固學生對 STEAM 嘅認識和興趣。 學校應為學生提供適當的指導同資源，以幫助學生追求 STEAM 學業與事業。
資料來源: Livescience
正因為藝術元素(Art) 加入到STEM教育之中，令表演藝術多咗一個空間可以用科學進行教育。例如STEM魔術教育。 全方位魔術訓練體驗課程
透過不同類型嘅魔術及體驗，讓學員逐步發掘和了解自己，了解魔術不只是興趣， 亦可強化他們嘅觸覺、身體和聲音的敏感度、靈活性，從而發展學員嘅可塑性。當中有科學嘅魔術，舞台魔術，近景魔術， talk show及互動魔術。
資料來源: 開電視「放學先好玩」STEAM 魔術表演-水中分沙
HAZE ILLUSION 從2014年開業至今，我哋已經服務超過 200 +不同的幼稚園、中小學、商業表演、政府機構、社福機構、教會及特殊教育需要。而且我哋亦主持過唔同的電視節目，下面仲有我地過往合作過嘅參考資料都可以睇吓㗎！